Paylaş
“Arşın mal alan” 3-cü milli silsiləvi satış-sərgi yarmarkası baş tutdu.
24 sentyabr 2023
Xəbərlər
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və KOB Subyektləri və Klublarının Assosiasiyasının (KOBSKA) təşkilatçılığı ilə 23-24 sentyabr 2023-cü il tarixində Bakıda “Arşın mal alan” 3-cü milli silsiləvi satış-sərgi yarmarkası həyata keçirildi.
Layihənin icrasında əsas məqsəd mikro və kiçik sahibkarlıq subyektlərinin satış imkanlarının və onlar arasında əməkdaşlığın genişləndirilməsi, sahibkarların xidmət keyfiyyətinin yaxşılaşdırılması, əhalinin həssas qrupundan olan qadınlar və aztəminatlı ailələri təmsil edən vətəndaşların fəaliyyətinin dəstəklənməsi, eləcə də yerli məhsulların tanıdılmasıdır.
Qeyd edək ki, Dədə Qorqud parkında təşkil olunmuş sərgidə ümumilikdə 62 sahibkarlıq subyekti öz məhsul və xidmətlərini təqdim etdi.
Layihənin rəsmi açılış mərasimində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva və Kiçik və Orta Biznesin İnkişafı Agentliyinin (KOBİA) idarə heyətinin sədr müavini Hikmət Məmmədov çıxış etdilər və sərgi iştirakçılarına öz xoş diləklərini çatdırdılar.
Qeyd edək ki, layihənin tərəfdaşları qismində Kiçik və Orta Biznesin İnkişafı Agentliyi (KOBİA) və Kapital Bank, media tərəfdaşı qismində isə Biznes Mərkəzi çıxış edir.
Məlumat üçün bildirək ki, ``Arşın mal alan” milli silsiləvi satış sərgi yarmarkası KOBSKA tərəfindən davamlı həyata keçirilir. İlk səfə 2022-ci ilin avqust ayında Bakı Şərq Bazarında, oktyabrında isə Astarada həyata keçilib. Davamlı hər il bir dəfədən az olmayaraq keçirilməsi də planlaşdırılır.
Digər xəbərlər
![](/_next/image?url=https%3A%2F%2Fadmin.kobska.az%2Fuploads%2F2_8ef7710f02.jpg&w=3840&q=75)
“Sürdürülebilir Gelecek Platformu” İstanbulda COP29’a dair təqdimatlar təşkil edib
3 sentyabr tarixində “Sürdürülebilir Gelecek Platformu” İstanbulda COP29’a dair təqdimatlar təşkil edib. Təqdimatların əsas məqsədi media nümayəndələri və şirkət sahiblərinə COP 29 haqqında məlumat verməklə, qurulacaq stenddə iştirakla bağlı məlumatlandırma olub.
Xəbərlər
03 sentyabr 2024
![](/_next/image?url=https%3A%2F%2Fadmin.kobska.az%2Fuploads%2F1_6a9fdc53a8.jpg&w=3840&q=75)
ATİB-in təşkilatçılığı ilə "Qlobal İqlim Dəyişmələrinin Biznes Çağırışları" mövzusunda müzakirələr keçirilib
Azərbaycan-Türkiyə İş adamları Birliyinin (ATİB) təşkilatçılığı ilə "Qlobal İqlim Dəyişmələrinin Biznes Çağırışları" mövzusunda müzakirələr keçirilib. Tədbirin keçirilməsində əsas məqsəd Birləşmiş Millətlər Təşkilatının İqlim Dəyişikliyi Konfransının 11-22 noyabr 2024-cü il tarixlərində Bakı şəhərində keçiriləcək 29-cu sessiyası (COP29) və “Yaşıl dünya naminə həmrəylik ili” çərçivəsində “yaşıl” hədəflərin təşviqi olub.
Xəbərlər
20 avqust 2024
![](/_next/image?url=https%3A%2F%2Fadmin.kobska.az%2Fuploads%2Ffdsx_d0a3a3b321.jpg&w=3840&q=75)
KOBSKA-nın 6 aylıq hesabatı yayımlanıb
Kiçik və Orta Biznes Subyektləri və Klublarının Assosiasiyasının (KOBSKA) 6 aylıq hesabatı yayımlanıb. Bu barədə KOBSKA-nın İdarə Heyətinin sədri Nigar Ələsgərova Fins.az saytına verdiyi müsahibədə ətraflı danışıb. Müsahibəni olduğu kimi təqdim edirik:
Xəbərlər
02 avqust 2024