Bakıda françayzinq sərgisi baş tutub. Rusiyanın “Franch Region" şirkətinin təşkilatçılığı ilə avqustun 3-də Sahil Hotel Baku-da françayzinq sərgisi həyata keçirildi. Sərgiyə hər il olduğu kimi, dünya bazarında güclü mövqe tutan və biznesini inkişaf etdirməyə hazır olan şirkətlər iştirak etdi. "Müasir Reallıqda Françayzinq" mövzusu altında keçirilən sərgidə müxtəlif sahələrdən tanınmış brendlərin təqdimatı ilə yanaşı, şirkət və holding rəhbərlərinin və ekspertlərin çıxışları yer aldı. Sahibkarlar və investorlar üçün maraqlı mövzular müzakirə edildi.

Avqustun 3-də həyata keçirilən françayzinq sərgisində KOBSKA təmsil olundu . Stendə yaxınlaşan sahibkarlar və sərgi iştirakçılarının sualları cavablandırıldı.

Qeyd edək ki, KOBSKA-nın xüsusi üzvü, biznes analitik və inkişaf mütəxəssisi Rauf Rüstəmov da spikerlər siyahısında idi və Biznes hədəflərinə necə nail ola bilərik? mövzusunda təqdimatla çıxış etdi. Ümumilikdə sərgidə 20-ə yaxın şirkət və 500-ə yaxın ziyarətçinin iştirakı ilə keçirildi.