28 fevral 2023-cü il tarixində Türkiyə Cümhuriyyəti Tarım və Orman Bakanlığının tərəfdaşlığı, AGRO TV Azərbaycanın və KOB Subyektləri və Klublarının Assosiasiyasının (KOBSKA) təşkilatçılığı ilə "İnternational Agro Business Forum-2023" forum-sərgisinin rəsmi açılış mərasimi baş tutub.

Sərginin keçirilməsində əsas məqsəd kənd təsərrüfatı sahəsində fəaliyyət göstərən mikro, kiçik və orta sahibkarlıq subyektlərinin satış imkanlarının artırılması, Azərbaycan və Türkiyə KOB Subyektləri arasında əməkdaşlığın genişləndirilməsi, eləcə də xidmət və məhsullarının tanıtdırılmasıdır.

Forumun rəsmi açılış hissəsində Azərbaycan Respublikasının Kənd Təsərrüfatı Nazirinin müavin Elçin Zeynalov, Kiçik və Orta Biznesin İnkişaf Agentliyinin İdarə Heyətinin sədri Orxan Məmmədov, Türkiyənin Azərbaycandakı səfiri Cahit Bağcı, Milli Məclisin Aqrar siyasət komitəsinin üzvü Emin Hacıyev , FAO Azərbaycan Nümayəndəsinin köməkçisi Bariz Mehdiyev, KOB Subyekləri Və Klubların Assosiasiyasının sədri Nigar Ələsgərova və “Agro Tv Turkiyə &Azerbaijan” rəhbəri Doğan Başaran çıxış edərək ölkəmizdə aqrar sahənin geniş inkişaf imkanlarından, gələcək perspektivlərindən və iqtisadi gücün artırılmasındakı mühüm rolundan bəhs ediblər.

Azərbaycanın və eləcə də dünyanın aqrar sahədəki qabaqcıl şirkətlərinin, dövlət qurumlarından olan nümayəndələrin iştirakı ilə təşkil olunan 5 müxtəlif paneldə sektorun gündəmi müzakirə edilib, iştirakçıları maraqlandıran suallara cavablar verilib. IABF2023-ün panel müzakirələri zamanı 5 fərqli mövzuda Azərbaycanda və dünyada baş verən aqrar yeniliklər, ölkələr arası münasibətlər, xüsusi sahələrdə olan vəziyyətlərlə bağlı geniş müzakirələr keçirilib. Bu panel mövzularında öz bilik və təcrübələrini forum iştirakçıları ilə bölüşmək üçün 22 natiqimizi bir araya gətirdik. 

Qeyd edək ki, Forumun sərgi hissəsində aqrar sahədə fəaliyyət göstərən 45-dən artıq yerli və xarici şirkət öz məhsullarını nümayiş etdiriblər. Tədbir zamanı intensiv B2B və B2C görüşlər də keçirilib.
Onu da vurğulayaq ki, Forum-sərgidə Azərbaycan, Türkiyə, İsrail, Rusiya Federasiyası, Almaniya, Fransa, Pakistan, Özbəkistan, , Qazaxıstan, Macarıstan kimi ölkələrdən gələn 100-dən çox iş adamı, ümumilikdə 600-dən çox ziyarətçi iştirak edib.

28 fevral 2023-cü il tarixində Türkiyə Cümhuriyyəti Tarım və Orman Bakanlığının tərəfdaşlığı, AGRO TV Azərbaycanın və KOB Subyektləri və Klublarının Assosiasiyasının (KOBSKA) təşkilatçılığı ilə "İnternational Agro Business Forum-2023" forum-sərgisinin rəsmi açılış mərasimi baş tutub.


"International Agro Business Forum 2023"

Kiçik və Orta Biznesin İnkişafı Agentliyinin (KOBİA) tərəfdaşlığı, Kiçik və Orta Biznes Subyektləri və Klubları Assosiasiyası (KOBKSA) və “Kazımlı Agency”nin təşkilatçılığı ilə “Şərq Bazarı”nda “Arşın mal alan” milli satış-sərgi yarmarkası təşkil olunub. 

İlk dəfədir keçirilən tədbirin məqsədi mikro və kiçik sahibkarlıq subyektlərinin satış imkanlarının və KOB-lar arasında əməkdaşlığın genişləndirilməsi, eləcə də yerli məhsulların tanıdılmasıdır. 

KOBSKA-nın idarə heyətinin sədri Nigar Ələsgərovanın sözlərinə görə yarmarkada 90 biznes subyekti tərəfindən tekstil, qida, aksesuar, kosmetika, oyuncaq, ev üçün əşyalar və s. məhsullar, eləcə də xidmətlər təqdim olunur. Tədbir çərçivəsində həmçinin, öz biznesini genişləndirmək istəyən sahibkarlar üçün ikitərəfli görüşlər və tanınmış ekspertlərin iştirakı ilə məsləhət saatları təşkil olunub, uğurlu iş adamları ilə təcrübə mübadiləsi, tanınmış simalarla görüş imkanı yaradılıb. Konsert proqramı ilə müşayət olunan yarmarkada uşaqlar üçün master klaslar və s. əyləncəli tədbirlər də təşkil olunub. 

Tədbirin açılışında iştirak edən KOBİA-nın İdarə Heyətinin sədri Orxan Məmmədov, Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva, millət vəkili Vüqar İskəndərov belə tədbirlərin, yerli məhsulların tanıdılmasında, KOB-ların satış imkanlarının genişlədirilməsində önəmi barədə fikirlərini bölüşüblər. Yarmarka avqustun 7-dək davam edəcəkdir. Tədbirin təşkilatçı tərəfdaşı Azərbaycan Respublikasının Gənclər Təşkilatlarının Milli Şurası, informasiya dəstəkçiləri isə Xəzər Media Mərkəzi, “Trend” müstəqil informasiya agentliyi (trend.az) və big.az xəbər portalıdır.

Kiçik və Orta Biznesin İnkişafı Agentliyinin (KOBİA) tərəfdaşlığı, Kiçik və Orta Biznes Subyektləri və Klubları Assosiasiyası (KOBKSA) və “Kazımlı Agency”nin təşkilatçılığı ilə “Şərq Bazarı”nda “Arşın mal alan” milli satış-sərgi yarmarkası təşkil olunub. 


“Şərq Bazarı”nda “Arşın mal alan” milli satış-sərgi yarmarkası təşkil olunub. 

KOB Subyektləri və Klublarının Assosiasiyası (KOBSKA) və “Founder Club”ın birgə təşkilatçılığı, Kiçik və Orta Biznesin İnkişafı Agentliyinin (KOBİA) strateji tərəfdaşlığı ilə “Ticarət və İxracat Forumu-2022” (TEF-2022) 30 noyabr 2022-ci il tarixində Baku Marriott Boulevard Hoteldə baş tutdu.

Əsas məqsədi yerli və xarici ixracatçıların yeni bazarlara giriş imkanlarının genişləndirilməsi olan forum çərçivəsində “ixracatda və idxalatda dövlətin funksiyası”, “xarici bazarlar və onlara çıxış imkanları”, “ixrac və idxal təcrübəsi və mövcud modellər” mövzularını əhatə edən 3 panel keçirildi.

Forumda “İxracatda və idxalatda dövlətin funksiyası” mövzusuna həsr olunmuş birinci paneldə KOBİA-nın İdarə Heyətinin sədr müavini Samir Hümbətov, Türkiyənin Azərbaycandakı Fövqəladə və Səlahiyyətli səfiri Cahid Bağcı, AZPROMO-nun icraçı direktorunun müavini cənab Zöhrab Qədirov, Azərbaycan Respublikası Dövlət Gömrük Komitəsinin Gömrük tariflərinin tənzimlənməsi və Ödənişlər Baş İdarəsinin, Gömrük Ödənişləri İdarəsinin rəisi Tariyel Alverdiyev çıxış etdi. KOBSKA-nın sədri Nigar Ələsgərovanın moderatorluğu ilə baş tutan paneldə dövlət siyasəti, perspektivlər və imkanlar haqqında təqdimatlar dinlənildi, sahibkarların sualları cavablandırıldı.

“Xarici bazarlar və onlara çıxış imkanları“ mövzusunda baş tutan ikinci paneldə isə Çin Respublikasının Azərbaycandakı Səfirliyinin Müşaviri Ma Chi, Özbəkistan Respublikasının Azərbaycandakı Səfirliyinin Müşaviri Mahamadjon Botraliev, (PAKAZCHAM) prezidenti Khurram Javaid Bhatti, Qırğızıstan Respublikasının Azərbaycandakı Ticarət palatasının rəhbəri Zəfər Məmmədov çıxış etdilər. 

OBA Marketlər şəbəkəsinin İdarə Heyətinin üzvü Hikmət Əliyevin moderatorluğu ilə baş tutan “İxrac və idxal təcrübəsi və mövcud modellər” mövzusunda sonuncu panelinin müzakirəsində isə Veysəloğlu Şirkətlər Qrupuna daxil olan “Veysəloğlu Distribusiya” şirkətinin rəhbəri Qabil Əhmədov, “Novco” şirkətlər qrupunun rəhbəri Fərid Novruzi, “Horeca” MMC-nin həmtəsisçisi Könül Qaraşlı, İndart Holding – Azərbaycan İcraçı direktoru Rauf Rüstəmov, “STEM” Təhlil Mərkəzinin direktoru Orxan Yolçuyev öz təcrübələrini bölüşdülər.

Həmçinin tədbirdə KOB Subyektləri və Klublarının Assosiasiyası və Veysəloğlu Şirkətlər Qrupuna daxil olan “OBA Market” MMC arasında əməkdaşlıq memorandumu imzalandı.

Tədbirdə ümumilikdə müxtəlif sahədə fəaliyyət göstərən, ixracat və idxalatla məşğul olan 200-dən artıq sahibkar iştirak etdi.
Qeyd edək ki, forum ənənəvi xarakter daşıyır və hər il keçirilməsi nəzərdə tutulub.


KOB Subyektləri və Klublarının Assosiasiyası (KOBSKA) və “Founder Club”ın birgə təşkilatçılığı, Kiçik və Orta Biznesin İnkişafı Agentliyinin (KOBİA) strateji tərəfdaşlığı ilə “Ticarət və İxracat Forumu-2022” (TEF-2022) 30 noyabr 2022-ci il tarixində Baku Marriott Boulevard Hoteldə baş tutdu.

Tədbirlər

"International Agro Business Forum 2023"

“Şərq Bazarı”nda “Arşın mal alan” milli satış-sərgi yarmarkası təşkil olunub.

“Ticarət və İxracat Forumu-2022”