Kiçik və Orta Biznes Subyektləri və Klublarının Assosiasiyasının (KOBSKA) və Bilişim Vadisi Bakının birgə təşkilatçılığı ilə Türkiyə və Azərbaycanda fəaliyyət göstərən texnologiya şirkətləri arasında B2B görüş baş tutub.

9 oktyabrda KOBSKA ofisində texnologiya şirkətləri arasında B2B görüş reallaşıb. Görüş müddətində Türkiyədən gələn texnologiya şirkətləri, fəaliyyət istiqamətləri barədə yerli sahibkarlara geniş məlumat verərək, birgə əməkdaşlıq imkanlarını müzakirə ediblər.

Ümumiyyətlə, KOBSKA fəaliyyəti müddətində müxtəlif tarixlərdə Türkiyədən gələn iş adamları ilə yerli iş adamları arasında B2B görüşlər təşkil edib. Burada əsas məqsəd iki ölkə arasında işgüzar əlaqələrin güclənməsinə və yeni layihələrin inkişafına müsbət təsir göstərməkdir.