10 may tarixində Kiçik və Orta Biznes Subyektləri və Klublarının Assosiasiyasının ofisində "Türk Dövlətləri İqtisadi Forumu"-nun ərsəyə gəlməsində dəstəyi olan sponsor və dəstəkçilərlə görüş keçirildi.

Görüşdə "Türk Dövlətləri İqtisadi Forumu"-nun nəticələri üzərindən müzakirələr aparıldı. Həmçinin, görüşdə sponsor və dəstəkçilər forum haqqında öz rəylərini bildirərək, növbəti dəfə keçirilməsi planlanan TCEF və digər layihələrdə əməkdaşlığa müsbət yanaşdıqlarını qeyd etdilər.

Görüşün sonunda tədbirin təşkilində dəstəyi olan şirkətlərə "Təşəkkürnamə"-lər təqdim edildi.

Qeyd edək ki, "Türk Dövlətləri İqtisadi Forumu" Kiçik və Orta Biznes Subyektləri və Klublarının Assosiasiyası və Azərbaycan Françayzinq Assosiasiyasının birgə təşkilaçılığı ilə həyata keçirilib. Forum haqqında daha detallı məlumat üçün www.kobska.az saytına keçid edə bilərsiniz.