3 sentyabr tarixində “Sürdürülebilir Gelecek Platformu” İstanbulda COP29’a dair təqdimatlar təşkil edib.

Təqdimatların əsas məqsədi media nümayəndələri və şirkət sahiblərinə COP29 haqqında məlumat verməklə, qurulacaq stenddə iştirakla bağlı məlumatlandırma olub.

Tədbirdə “Agriconnect Türkiye” rəhbəri Havva Olçum, Trendyol şirkətinin Korporativ Kommunikasiyalar üzrə direktoru İrem Poyraz, Kiçik və Orta Biznes Subyektləri və Klublarının Assosiasiyasının (KOBSKA) İdarə Heyətinin sədri, “Sürürdülebilir Gelecek Platformu” Məsləhət Şurasının üzvü Nigar Ələsgərova, “Sürürdülebilir Gelecek Platformu” Məsləhət Şurasının üzvü Prof. Dr. Levent Kurnaz, "İyi Gelecek Sürdürülebilirlik" Konsaltinq şirkətinin təsisçisi və Sürdürülebilir Gelecek Platformunun Məsləhət Şurasının üzvü Aslı Pasinli, həmçinin bir sıra QHT-lərin nümayəndələri və sektor liderləri iştirak ediblər.

Görüşdə çıxış edən Nigar Ələsgərova Azərbaycanda “Yaşıl Dünya Naminə Həmrəylik” ili olduğunu və COP29-a ev sahibliyi edəcəkləri üçün hazırlıqların böyük həyəcanla davam etdiyini bildirib.

Qeyd edək ki, COP29-da "Green Zone"da "Sürdürülebilir Gelecek Platformu" və KOBSKA birlikdə stend ilə təmsil olunacaq.

Məlumat üçün bildirək ki, 11–24 noyabr tarixlərində Bakıda keçiriləcək olan COP29 çərçivəsində dünyanın təxminən 190-dan çox ölkəsini təmsil edən 80 mindən çox siyasinin, QHT və media təmsilçisinin, sahibkarların və iş adamlarının iştirakı gözlənilir.

Xatırladaq ki, "Sürdürülebilir Gelecek Platformu" 2020-ci ilin sentyabr ayında təsis edilmişdir. Əsas məqsədi sürətlə dəyişən dünyada davamlılıq və ekoloji problemlər üzərində cəmiyyətin diqqətini cəlb etmək, bu mövzuda həll yolları təklif etməkdir. Türkiyə üzrə 7, Azərbaycan üzrə 4 müşahidəçi ilə fəaliyyət göstərir.