2 may tarixində Kiçik və Orta Biznes Subyektləri və Klublarının Assosiasiyasının (KOBSKA) “Gömrük təmsilçiliyi və Logistika Komitəsi” və Türkiyənin Logistika Xidmət Təhcizatçıları Assosiasiyası arasında memorandum imzalanıb.

Türk Dövlətləri İqtisadi Forumu müddətində imzalanan memorandumun əsas məqsədi iş münasibətlərinin gücləndirilməsi və bu istiqamətdə ortaq layihələrin icra olunmasıdır. Memorandum KOBSKA “Gömrük təmsilçiliyi və Logistika Komitəsi”nin sədri Vüsal Xəlilov və Türkiyənin Logistika Xidmət Təchizatçıları Assosiasiyasının sədri Dr.Kayıhan Özdemir Turan arasında imzalanıb.

Qeyd edək ki, Türk Dövlətləri İqtisadi Forumu Kiçik və Orta Biznes Subyektləri və Klublarının Assosiasiyasının və Azərbaycan Françayzinq Assosiasiyasının təşkilatçılığı ilə həyata keçirilib.