19 sentyabr tarixində Kiçik və Orta Biznes Subyektləri və Klublarının Assosiasiyasının (KOBSKA) rəhbər heyəti və komitə sədrləri "Mobil Group" şirkətini ziyarət edib.

Görüş müddətində "Mobil Group" şirkətinin rəhbəri Vüsal Xəlilov şirkətin fəaliyyəti, görülən işlər haqqında ətraflı məlumat verib. Həmçinin komitə rəhbərləri ilə gələcək planların müzakirəsi və komitələrin əməkdaşlıq imkanlarının genişləndirilməsi barəsində danışılıb.

Baş tutan görüşdə KOBSKA-nın rəhbər şəxsləri, "Təhsil" komitəsinin sədri Aysel Gülməmmədova, "Standartlaşma və Sertifikasiya" komitəsinin rəhbəri Vüsal Mahmudov, "PR və Media" komitəsinin rəhbəri Dilşad Əhədova və "İnvestisiya" komitəsinin rəhbəri Mübariz Şahbazlı, Biznes TV-nin direktoru Amil Mahmudov iştirak ediblər.

Qeyd edək ki, Mobil Group KOBSKA-nın xüsusi üzvüdür. Həmçinin Vüsal Xəlilov KOBSKA-nın "Gömrük təmsilçiliyi və Logistika" komitəsinin sədridir.