“İş dünyası-100 İlin Zirvəsi 2” biznes forum-sərgi bu dəfə Ankarada

KOB Subyektləri və Klublarının Assosiasiyasının (KOBSKA) və Türkiye Azerbaycan Dostluk İşbirliği ve Dayanışma Vakfı (TADİV) təşkilatçılığı və Avrora MMC-nin baş sponsorluğu, Unico MMC, Euroclima MMC-nin sponsorluğu ilə Türkiyənin paytaxtı Ankara şəhərində “İş dünyası-100 İlin Zirvəsi” adlı biznes forum-sərgi baş tutacaq. Layihə Ulu öndər Heydər Əliyevin 100 illik yubileyinə və Türkiyə Respublikasının 100 illiyinə həsr olunur.

Belə ki, Azərbaycan və qardaş ölkə Türkiyə arasındakı iqtisadi əlaqələrin möhkəmlənməsi və 2 ölkənin KOB subyektləri arasında əlaqələrin, əməkdaşlığın qorunmasına və artmasına töhfə vermək məqsədilə icra olunacaq layihənin 21-22 noyabr tarixlərində keçirilməsi planlaşdırılır. Layihədə Azərbaycan tərəfindən müxtəlif sektorları təmsil edən 60-a yaxın KOB subyektinin iştirakı nəzərdə tutulur.

Məlumat üçün bildirək ki, cari ilin 13-14 iyul tarixlərində eyni adlı layihə Türkiyənin İstanbul şəhərində KOBSKA-nın və MÜSİAD Azərbaycanın təşkilatçılığı, Kiçik və Orta Biznesin İnkişafı Agentliyinin (KOBİA), Müstəqil və Sənayeçi İş Adamları Birliyinin (MÜSİAD) rəsmi tərəfdaşlığı ilə keçirilib. Ümumilikdə 200-dən çox sahibkarın iştirakı ilə baş tutan tədbir zamanı Azərbaycanlı iş adamlarının xidmət, mal və məhsullarının sərgiləndiyi sərgi də keçirilib. Tədbir sahibkarlar tərəfindən yüksək rəğbətlə qarşılanıb. Daha ətraflı

“İş dünyası-100 İlin Zirvəsi 2“ Ankara layihəsində iştirak etmək və ətraflı məlumat əldə etmək istəyən sahibkarlar buraya👈🏻 klik edərək qeydiyyatdan keçə bilərlər.

Həmçinin tədbirdə sponsor və dəstəkçi qismində iştirak etmək istəyən sahibkarlar da əməkdaşlığa dəvət olunur.

“İş dünyası-100 İlin Zirvəsi” İstanbul biznes forum-sərgisindən video çarxı buraya👈🏻 klik edərək izləyə bilərsiniz.