15 iyul tarixində "İFest" - innovasiya və texnologiya festivalı çərçivəsində fəaliyyət göstərən Startapların Qiymətləndirilməsi Komissiyası qeydiyyatdan keçən startapların seçimini həyata keçirib.

Komissiyanın tərkibi Kiçik və Orta Biznes Subyektləri və Klublarının Assosiasiyasının (KOBSKA) icraçı direktoru Əziz Məmmədov, Vizam.az şirkətinin təsisçisi və direktoru Baba Ağayev, "Divida Mələk İnvestorlar Klubu"nun qurucu partnyoru və rəhbəri Mübariz Şahbazlı və "Bilişim Vadisi" - Azərbaycan üzrə rəhbəri Qamət Kərimovdan ibarətdir.

Festival 23 iyul tarixində Baku Marriott Boulevard Hotel-də baş tutacaq.

Qeyd edək ki, silsiləvi xarakter daşıyan festival bu il COP 29`a həsr olunur və “Yaşıl texnologiya-yaşıl dünya naminə” şüarı altında, ölkənin ilk bankı Kapital Bankın baş sponsorluğu ilə keçirilir.