18 sentyabr tarixində Qeyri-Hökumət Təşkilatlarına Dövlət Dəstəyi Agentliyində "COP29-la bağlı beynəlxalq təşəbbüslər" böyük və orta qrant müsabiqəsinin qalibləri ilə görüş keçirilib.

Görüşdə Prezident Administrasiyasının QHT-lərlə iş və kommunikasiya şöbəsinin QHT-lərlə iş sektorunun müdiri Tural Əliyev, QHT-lərə Dövlət Dəstəyi Agentliyinin İcraçı direktoru Aygün Əliyeva, Ekologiya və Təbii Sərvətlər Nazirliyinin şöbə müdiri Səyyarə Məmmədova, həmçinin müsabiqədə qalib olan QHT rəhbərləri və nümayəndələri, o cümlədən Kiçik və Orta Biznes Subyektləri və Klublarının Assosiasiyasının (KOBSKA) İdarə Heyətinin sədri Nigar Ələsgərova görüşdə iştirak ediblər.

Baş tutan görüşdə müsabiqənin qalibləri təbrik edilib, onların layihələrinin əhəmiyyəti və təsiri müzakirə olunub. Həmçinin tədbir müddətində qaliblərin sualları cavablandırılıb və layihələrdən gözləntilər aydın şəkildə ifadə olunub.

Bu tədbir, ölkəmizin iqlim mübarizəsindəki strateji rolunu vurğulayan əhəmiyyətli bir addım oldu.