Paylaş
“BYF EduExpo 2022” təhsil sərgi-yarmarkası keçirildi.
30 sentyabr 2022
Xəbərlər
Azərbaycan Respublikasının Elm və Təhsil Nazirliyinin, Kiçik və Orta Biznesin İnkişafı Agentliyinin (KOBİA), Azərbaycan Özəl Təhsil Müəssisələri Assosiasiyasının tərəfdaşlığı, Kiçik və Orta Biznes Subyektləri və Klubları Assosiasiyası (KOBSKA) və “Xəzər” Media Mərkəzinin birgə təşkilatçılığı ilə “Gələcəyini inşa et!” devizi ilə təhsil sərgi-yarmarkası – “BYF EduExpo 2022”-nin açılış mərasimi baş tutdu.
Açılışda AR Elm və Təhsil naziri cənab Emin Əmrullayev, KOBİA-nın İdarə Heyətinin sədri cənab Orxan Məmmədov, Türkiyənin Aərbaycandakı səlahiyyətli və fövqəladə səfiri cənab Doç. Dr. Cahit Bağcı, KOBSKA İdarə Heyətinin sədri Nigar Ələsgərova, Xəzər Media Mərkəzinin baş direktoru Murad Dadaşov, Anadolu Universitetinin rektoru Prof. Dr. Fuat Erdal çıxış etdilər.
50-ə yaxın şirkətin iştirak etdiyi sərginin məqsədi təhsil sahəsində fəaliyyət göstərən KOB subyektlərinin və mikro sahibkarların tanıdılması, əməkdaşlıq imkanlarının genişləndirilməsi, satış imkanlarının artırılması və bizneslərinin inkişafına dəstək olmaqdır.
Sərgi çərçivəsində 5080-ə yaxın iştirakçı (məktəbli, tələbə, valideyn, müəllim və s.) xarici dil kursları və imtahan mərkəzləri, psixoloji testlər və xidmətlər, yerli və beynəlxalq özəl məktəblərin proqramları, aparıcı ali təhsil müəssisələrinə müraciət və qəbul prosesi, təhsil və xidmət haqqı və digər məsələlərlə bağlı məlumat almaq imkanı əldə etdilər.
Qeyd edək ki, Sərginin baş sponsoru təhsil sahəsində daim innovativ layihələr həyata keçirən və müxtəlif istiqamətlərdə göstərdiyi fəaliyyətlərlə fərqlənən Anadolu Universiteti və Mini Boss Business School Beynəlxalq Təshil Şəbəkəsidir. Sponsorlar Beynəlxalq Təhsil Mərkəzi, İndigo Print House, Gədəbəy Mineral Sularının Slavyanka su brendi və “Hədəf” şirkətlər qrupudur.
Digər xəbərlər
“Sürdürülebilir Gelecek Platformu” İstanbulda COP29’a dair təqdimatlar təşkil edib
3 sentyabr tarixində “Sürdürülebilir Gelecek Platformu” İstanbulda COP29’a dair təqdimatlar təşkil edib. Təqdimatların əsas məqsədi media nümayəndələri və şirkət sahiblərinə COP 29 haqqında məlumat verməklə, qurulacaq stenddə iştirakla bağlı məlumatlandırma olub.
Xəbərlər
03 sentyabr 2024
ATİB-in təşkilatçılığı ilə "Qlobal İqlim Dəyişmələrinin Biznes Çağırışları" mövzusunda müzakirələr keçirilib
Azərbaycan-Türkiyə İş adamları Birliyinin (ATİB) təşkilatçılığı ilə "Qlobal İqlim Dəyişmələrinin Biznes Çağırışları" mövzusunda müzakirələr keçirilib. Tədbirin keçirilməsində əsas məqsəd Birləşmiş Millətlər Təşkilatının İqlim Dəyişikliyi Konfransının 11-22 noyabr 2024-cü il tarixlərində Bakı şəhərində keçiriləcək 29-cu sessiyası (COP29) və “Yaşıl dünya naminə həmrəylik ili” çərçivəsində “yaşıl” hədəflərin təşviqi olub.
Xəbərlər
20 avqust 2024
KOBSKA-nın 6 aylıq hesabatı yayımlanıb
Kiçik və Orta Biznes Subyektləri və Klublarının Assosiasiyasının (KOBSKA) 6 aylıq hesabatı yayımlanıb. Bu barədə KOBSKA-nın İdarə Heyətinin sədri Nigar Ələsgərova Fins.az saytına verdiyi müsahibədə ətraflı danışıb. Müsahibəni olduğu kimi təqdim edirik:
Xəbərlər
02 avqust 2024