Paylaş

“Beynəlxalq Aqro Biznes Forum-2024” keçirilib

24 fevral 2024

Xəbərlər

Kənd Təsərrüfatı Nazirliyinin, Kiçik və Orta Biznesin İnkişafı Agentliyinin (KOBİA) tərəfdaşlığı, KOB Subyektləri və Klublarının Assosiasiyasının (KOBSKA) və “Agro TV Azərbaycan”ın birgə təşkilatçılığı ilə “Beynəlxalq Aqro Biznes Forum-2024” keçirilib.
Tədbirə millət vəkilləri, dövlət rəsmiləri, QHT və şirkət nümayəndələri, investorlar, regionlardanfermerlər, ümumilikdə 900-dan çox iştirakçı qatılıb.
Forumdakı çıxışlarında Aqrar İnnovasiya Mərkəzinin direktoru Anar Cəfərov, KOBİA-nın İdarə Heyəti sədrinin müavini Hikmət Məmmədov, Türk Dövlətləri Təşkilatının Baş katibinin köməkçisi Ömər Kocaman, Milli Məclisin Aqrar siyasət komitəsinin sədri Tahir Rzayev, BMT-nin ərzaq və kənd təsərrüfatı təşkilatının (FAO) Azərbaycandakı tərəfdaşlıq və əlaqələndirmə üzrə şöbə rəhbəri Muhammad Nasar Hayat, “İstanbul Gübrə Sanayi”nin baş direktoru İlkay Ünal, ECOSA və TSÜAB sədri Yıldıray Gençer, KOBSKA sədri Nigar Ələsgərova və “Agro TV”nin Azərbaycan və Türkiyə üzrə sədri Doğan Başaran kənd təsərrüfatı sahəsində perspektivlərə, bu sahədə türkdilli dövlətlər, o cümlədən Türkiyə və Azərbaycan arasında əlaqələrə dair fikirlərini bölüşüblər.
Forum çərçivəsində 30-a yaxın şirkətin məhsul və xidmətlərindən ibarət sərgi də təşkil olunub. Eyni zamanda 4 fərqli mövzuda panel müzakirələri keçirilib. Türkiyədən və digər ölkələrdən iştirak edən şirkətlərin təqdimatları da keçirilib.
Forum çərçivəsində həmçinin aqrar sahədə qabaqcıl şirkətlərin və dövlət rəsmilərinin iştirakı ilə sektorun gündəmində olan məsələlərin müzakirə olunduğu panel iclaslar və B2B görüşlər təşkil edilib. Yerli media ilə yanaşı Türkiyə mediasında da tədbir haqqında məlumatlar yayımlanıb.

Digər xəbərlər

KOBSKA “İftar Süfrəsi” təşkil edib.

Kiçik və Orta Biznes Subyektləri və Klublarının Assosiasiyasının (KOBSKA) təşkilatçılığı ilə 1 aprel tarixində ``Four Seasons Baku``da “İftar süfrəsi” təşkil edilib. Mərasimdə millət vəkilləri, dövlət qurumlarının rəhbər şəxsləri, media nümayəndələri, assosiasiyalar, biznes klublar və müxtəlif şirkətlərin rəhbərləri iştirak edib.

Xəbərlər

01 aprel 2024

Türk Dövlətləri İqtisadi Forumu 2024 Mətbuat Konfransı

13 mart tarixində ölkəmizdə ilk dəfə baş tutacaq “Türk Dövlətləri İqtisadi Forumu-2024” layihəsinin mətbuat konfransı keçirilib. Konfransda 2-3 May tarixlərində keçiriləcək layihə ilə bağlı media nümayəndələrinin sualları cavablandırılıb. Konfransda çıxış edən Kiçik və Orta Biznes Subyektləri və Klubları Asossasiyasının (KOBSKA) sədri Nigar Ələsgərova və Azərbaycan Françayzinq Asossasiyasının (AFA) sədri Camid Mövsümov bildirib ki, forum bu iki qurumun birgə təşkilatçılığı ilə reallaşacaq.

Xəbərlər

13 mart 2024

Türk Dövlətləri İqtisadi Forumu 2024

Forum Kiçik və Orta Biznesin İnkişafı Agentliyi (KOBİA), Türk Dövlətləri Təşkilatı (TDT) və Yazılım Sanayiçileri Derneyi (YASAD) tərəfdaşlığı, Kiçik və Orta Biznes Subyektləri və Klublarının Assosiasiyası (KOBSKA) və Azərbaycan Françayzinq Assosiasiyasının (AFA) birgə təşkilatçılığı ilə baş tutacaq.

Xəbərlər

06 mart 2024