Təhsilin İnkişafı Fondu (TİF) və Kiçik və Orta Biznesin İnkişafı Agentliyinin (KOBİA) rəsmi tərəfdaşlığı, Kiçik və Orta Biznes Subyektləri və Klublarının Assosiasiyası (KOBSKA) və Baku Design Academy-nin birgə təşkilatçılığı ilə "Yaşıl dünya naminə öyrənək" şüarı ilə “Baku EduEXPO” 2024 Beynəlxalq Təhsil sərgi-satış yarmarkası başa çatdı.

2 gün ərzində sərgidə iştirak edən hər bir şirkət öz fəaliyyətləri barəsində məlumat verdilər, həmçinin əyləncəli oyunlar, hədiyyəli yarışlar təşkil olundu. Tədbirin 2-ci gününə özəl olaraq spikerlər - Prof. Dr. Sinan Canan (Türk bioloq və sinir bilim mütəxəssisi) çıxışında özünü inkişafdan danışaraq, maraqlı müzakirələr aparıb iştirakçılardan gələn sualları cavablandırıb. Daha sonra Sami Kubuş çıxış edərək şirkətin fəaliyyət istiqamətlərindən, müxtəlif təlim layihələrindən danışıb. Qeyd edək ki, Sami Kubuş Türkiyədə Açık Beyin şirkətinin təsisçisidir. Spikerlərin çıxışından sonra tədbir əyləncəli konsert proqramı çərçivəsində məşhur müğənnilərin çıxışı ilə davam edib.

Qeyd edək ki, layihənin keçirilməsində əsas məqsəd təhsil sahəsində fəaliyyət göstərən KOB subyektlərinin və mikro sahibkarların tanıdılması, B2B və B2G əlaqələrin genişləndirilməsi, satış imkanlarının artırılması və bizneslərin inkişafına dəstək olmaqdır.

Ümumilikdə 8000-ə yaxın ziyarətçinin qatıldığı sərgidə təhsil sektorunda fəaliyyət göstərən 30-dan çox şirkət və qurumlar iştirakçı qismində çıxış etdi.

Xatırladaq ki, tədbirin dəstəkçi şirkəti Nescafe-dir. Məlumat üçün bildirək ki, “Baku EduExpo” silsilə xarakteri daşıyır və iki ildən bir keçirilməsi planlaşdırılır.